Laus 1 ágúst næstkomandi!
Eigandi eignarinnar er á landinu og sýnir eignina næstu daga.
Unnt er að leigja eignina í 1 ár . Þá er einnig unnt að fá eignina leigða í styttri tíma!
Áhugasamir sendi okkur línu á maili og hringi einnig til að ræða við okkur.
Leigusali óskar eftir 235.000 krónum á mánuði en er tilbúinn að leigja á eitthvað lægra verði ef um vandaðan leigutaka er að ræða. Gerðu tilboð.
Mjög falleg og mikið endurnýjuð 3ja til 4ra herbergja útsýnisíbúð á efstu hæð í litlu fjölbýlishúsi við rólega einstefnugötu í Vesturbænum. Íbúðin er með 2 svefnherbergi eins og hún er skipulög í dag. Eignin er skráð 100 m2 skv. fasteignamati ríkisins en hluti er undir súð, er eignin talin nokkrum fermetrum minni.
Lýsing eignar.
Komið er inní lítið, bjart hol með loftlistum, þar sem gengið er í önnur herbergi íbúðarinnnar. Stór og björt samliggjandi stofa og borðstofa, með útsýni í austurátt; yfir gamla kirkjugarðinn, þingholtin, Perluna og Bláfjöll. Fallegt eldhús með innréttingum úr beyki, hvítum efri skápum og vandaðri gaseldavél. Svefnherbergi með nýjum rúmgóðum skápum, annað svefnherbergi að hluta undir súð með innbyggðum skápum. Baðherbergi er með dúk á gólfi og setbaðkari með sturtu. Úr eldhúsi og stærra svefnherberginu er horft inn í skemmtilegan bakgarð sem tengir nálægar götur. Olíuborið eikarparket er lagt út í eitt á alla íbúðina nema baðherbergi. Fallegar lakkaðar fulningahurðir eru í íbúðinni.
Í kjallara er sameiginlegt þvottahús og rúmgóð hjóla- og vagnageymsla. Stigagangur er bjartur og rúmgóður. Dýrahald er ekki leyft í húsinu.
Einungis ábyrgir og vandaðir aðilar koma til greina. Trygging fyrir réttum efndum og skemmdum ófrávíkjanlegt skilyrði.
Samkomulagsatriði getur tekist með aðilum um að eignin leigist með húsgögnum að hluta eða öllu leiti. Þess utan getur þvottavél, ísskápur og uppþvottavél fylgt með í leigu.
Umsækjendur eru hvattir til að senda okkur tölvupóst þar sem þeir gera grein fyrir sér og sínum högum í samræmi við það sem viðkomandi telur hæfa. Þá eru umsækjendur hvattir til að hafa samband á símatíma milli kl. 13-15 og skoða með okkur málið.
Við gætum hagsmuna beggja aðila og viðhöfum traust og örugg vinnubrögð.
Leigumiðlun.com. Skeifunni 11, 108 Reykjavík. Sími 445-3500 eða 774-4500
Mail. leigumidlun@leigumidlun.com eða logfraedistofan@logfraedistofan.com
Umbeðið leiguverð er kr. 235.000- á mánuði vísitölutryggt - gerðu tilboð!.
Orkunotkun er ekki innfalið í leigu.
Trygging er jafngildir 3ja mán. leigu.
íbúðin leigist til langstíma 1 ár í senn, eða styttri tíma.
íbúðin er laus 1 ágúst næstkomandi.
Engin gæludýr leyfð.