Glæsilegt einbýlishús í Salahverfi Kópavogi til leigu.
270 fermetra einbýlishús byggt árið 2008 á tveimur hæðum til leigu.
Húsið er laust frá 1. mars næstkomandi til 1. febrúar 2016 (11 mánuðir) með möguleika á framlengingu í samráði við eiganda.
3 parketlögð svefnherbergi og fataherbergi innaf hjónaherbergi. Öll önnur rými eru flísalögð með ljósum flísum. Eldhúsið er stórt og opið inní stofu. Stór eyja með spanhelluborði. Hvít háglans eldhúsinnrétting með miklu geymsluplássi og stór og góður vaskur. Siemens tæki í eldhúsi úr burstuðu stáli: Tvöfaldur ísskápur, innbyggð kaffivél, blástursofn, gufuofn, örbylgjuofn, hitaskúffa og uppþvottavél.
Tvö baðhergi eru í húsinu. Annað mjög veglegt með mjög stóru baðkari, tvöföldum vask og stórri sturtu. Hitt er minna með sturtu.
Í húsinu er gott þvottahús með rúmgóðri innréttingu.
Bílskúrinn er stór og mjög rúmgóður (40 fermetrar). 18 fermetra geymsluloft er fyrir ofan bílskúr. Í bílskúr er einnig háþrýstidæla og loftdæla.
Í stóru opnu rými í kjallara er heimabíókerfi (Bose Lifestyle) tengt við skjávarpa og 10 feta snókerborð.
Bose hljóðkerfi er í stofu/eldhúsi sem tengist við heimabíókerfi í kjallara.
Instabus (Gira) ljósakerfi er í öllu húsinu ásamt gólfhita.
Rúmlega 100 fermetra lokaður steyptur pallur sem snýr í suður og vestur er út af stofu. Grasflöt sem snýr í suður og vestur er vestan megin við húsið. Sláttuvél fylgir húsinu.
Leiguverðið er 350.000 kr. á mánuði. Trygging eftir samkomulagi.
Áhugasamir sendi upplýsingar um aldur, starf, fjölskyldustærð og annað sem skipt getur máli á netfangið hrafnar@gmail.com.