***OPIÐ HÚS, skoðun á Víðiás 6, Gbæ þriðjud. 14. maí frá kl.18:00-18:30, áhugasamir leigjendur velkomnir!*** Fasteignasalan TORG kynnir til sölu og/eða til leigu Glæsilegt og vel skipulagt parhús með mikilli lofthæð, innbyggðum bílskúr, góðu útsýni og arkitekta hönnuðum garði með heitum potti á þessum vinsæla stað í Ásahverfi Garðabæjar. Hönnuðir hússins eru Ragnar Ólafsson og Gísli Sæmundsson. Um innanhúshönnun sáu Oddgeir og Guðrún Margrét arkitektar. Allur frágangur er fyrsta flokks og mjög vandaður og fallegur.
Nánari upplýsingar má nálgast hjá Sigurði Gunnlaugssyni, fasteignasala, netfang: sigurdur@fasttorg.is
Almennt: Um er að ræða 181,3fm steypt parhús á einni og hálfri hæð ásamt innbyggðum bílskúr byggt árið 2000. Allt neysluvatn er í plastlögnum (rör í rör) og forhitari er á neysluvatni.
Aðkoma: Aðkoma að húsinu er mjög falleg, bílastæði við húsið eru hellulögð með hitalögnum og góðar verandir með skjólveggjum, heitum potti, fallegum gróðri og lýsingu umlykja húsið.
Lýsing í húsinu er einstaklega vönduð og falleg frá LUMEX og þegar tekur að rökkva og lýsingin fær að njóta sín tekur eignin á sig nýja mynd. Gira funk buss ljósastjórnunarkerfi er í húsinu.
Gólfefni: Gólf eru almennt klædd massivu niðurlímdu olíubornu rauðeikar parketi, en í forstofu, baðherbergi og þvottahúsi eru fallegar flísar.
Hurðar og innréttingar: Allar hurðir eru hvítar og innréttingar sérsmíðaðar af fyrirtækinu Beyki.
Innra fyrirkomulag:Á neðri hæð hússins er aðkoma að húsinu en þegar inn í húsið er komið tekur við anddyri og falleg hurð með gleri aðskilur forstofu frá aðalrými. Í aðalrýminu er mjög góð lofthæð góðir skápar og sérsmíðaðar hillur. Stofa með fallegum arni hönnuðum af Jóni Eldon Logasyni og beinu aðgengi út í garðinn, borðstofa, eldhús með vönduðum heimilstækjum frá Simens, innbyggðum ísskáp, uppþvottavél og fallegri innréttingu með góðu skápaplássi sem er hvít og úr olíuborinni rauðeik. Baðherbergi er af vönduðustu gerð,glæsilegt og flísalagt. Bæði baðkar og stór sturta með innbyggðum blöndunartækjum, falleg innrétting með granít á borðum og upphengt salerni er á baðherberginu. Tvö svefnherbergi eru á aðalhæð og úr öðru þeirra er aðgengi út í garð og mjög góðir fataskápar. Þvottaherbergi og geymsla eru samliggjandi og þaðan er gengið inn í rúmgóðan bílskúr. Niðurdregnir stigar eru á 2 stór geymsluloft.
Á efri hæð er mjög bjart og fallegt sjónvarps/fjölskyldurými með frábæru útsýni, sérsmíðuðum innréttingum og góðri lofthæð, þessu rými tengist svo gott svefnherbergi. Glæsilegur stigi smíðaður af járnsmiðju Óðins liggur upp á efri hæðina.Niðurlag: Þetta er stórglæsilegt parhús í fallegri götu á góðum stað í Garðabæ . Eign í algjörum sérflokki. Allar nánari upplýsingar veitir Sigurður Gunnlaugsson, fasteignasali, netfang: sigurdur@fasttorg.is